आजच्या २१व्या शतकात डिजिटल क्रांतीच्या ताकदीने ग.स. सोसायटीच्या कार्यप्रणालीतदेखील आमूलाग्र बदल झाले आहेत. सभासदांना दिली जाणारी सुविधा दिवसेंदिवस सोपी कशी होत जाईल यावर सोसायटीचा भर आहे. आशिया खंडातील सर्वोत्तम असलेली हि संस्था जास्तीत जास्त समाजोपयोगी राहण्यासाठी सदैव कटिबद्ध आहे. सोसायटीतर्फे राबविल्या जाणाऱ्या योजनांद्वारे सभासदांचे हितच जोपासले जात आहे. सर्वसमावेशक पद्धतीने निर्णय घेणे आणि त्याची अंमलबजावणी करणे अश्या कार्यपद्धतीने संस्थेशी जोडला गेलेला प्रत्येक व्यक्ती अभिमानाची भावना बाळगून आहे. छत्रपती शिवाजी महाराज, स्वामी विवेकानंद, संत गाडगे महाराज, बाबा आमटे, एपीजी अब्दुल कलाम, रतनजी टाटा, बी.बी. आबा अश्या व्यक्तिमत्त्वांच्या आदर्शांना डोळ्यासमोर ठेऊन सोसायटीच्या यशाचा हा प्रवास असाच निरंतर सुरु राहील यात शंका नाही. ग.स. सोसायटी तसेच सहकारक्षेत्रात सेवा देण्याची संधी माझ्याकडे आहे याचा मनस्वी आनंद आहे.

ग.स.सोसायटी,जळगाव. ही केवळ आर्थिक गोष्टींसाठी चालणारी सोसायटी नसून सामाजिक बांधिलकी जपणारी ११८ वर्षांची दीर्घकालीन परंपरा आहे. या परंपरेची सांगड आता सोसायटीच्या ऑनलाईन प्रणालीसोबत जोडल्या गेली आहे. याचा फायदा आता सर्व सभासदवर्गासाठी होत असून संस्थेच्या कार्यावेगात वाढ झाली आहे. पुढे पडत जाणारे एक एक छोटे पाऊल मैलाचा दगड पार करते... अगदी याच पद्धतीने सोसायटी यशाची शिखरे सर करत जाईल यात शंका नाही. सभासदांच्या संकटकाळात त्यांच्या पाठीमागे समर्थपणे उभे राहणे आणि त्यांच्या चेहऱ्यावरील हास्य फुलविणे हीच नैतिक जबाबदारी संस्था आणि संचालक मंडळाची असून त्याचाच मीदेखील एक भाग आहे हे मी माझे भाग्य समजतो.